U Słucku na rynku pradajucca dziciačyja palčatki sa svastykaj
«Voś kupili małomu na rynku, navat nie zirnuli. Syn paśla razhledzieŭ. Dziciačyja palčatki za 8 rubloŭ. Razhledzieła, achranieła», — napisała słuččanka, jakaja dasłała fota ŭ redakcyju «Infa-Kurjera».
17.10.2022 / 11:57
Na fota bačnaja stylizavanaja ŭ styli hulni Minecraft vyjava čałaviečka, padobnaha da Adolfa Hitlera, u jakoha na ruce paviazka z nacysckaj svastykaj.
Za demanstracyju nacysckaj simvoliki ŭ Biełarusi praduhledžanaja administracyjnaja adkaznaść.