Lidary Jeŭrasajuza abvieściać pra mahčymyja novyja sankcyi suprać režymu Łukašenki
Čakajecca, što na nastupnym tydni lidary ES zajaviać pra mahčymaść novych sankcyj suprać Biełarusi za dapamohu Rasii ŭ vajnie va Ukrainie. Takoje pałažeńnie było ŭklučana ŭ prajekt zaklučeńniaŭ dvuchdzionnaha samitu, jaki raspačniecca ŭ čacvier. Ź im paznajomiłasia brusielskaja karespandentka Polskaha radyjo, paviedamlaje Radyjo Svaboda.
16.10.2022 / 23:25
Lidary 27 krain zakličuć minski režym spynić padtrymku rasijskich vajskoŭcaŭ i nie dazvalać im vykarystoŭvać terytoryju Biełarusi dla napadaŭ na Ukrainu.
— Biełaruski režym pavinien całkam vykonvać svaje abaviazalnictvy ŭ ramkach mižnarodnaha prava. Jeŭrasajuz hatovy dziejničać chutka i pry nieabchodnaści ŭvieści sankcyi — havorycca ŭ vytrymcy z zaklučeńniaŭ, padrychtavanych da samitu ES.
Pra detali novych sankcyj pakul nie paviedamlajecca.