U Varšavie napali na Iłlu Dabratvora
Pa słovach samoha Iłli Dabratvora, jaki ciapier zjaŭlajecca viadučym juciub-kanała «Ruch Za svabodu», u piatnicu kala 20-j hadziny jaho la doma čakaŭ nieviadomy, jaki napaŭ na mužčynu, nie tłumačačy pryčyn napadu, paviedamlaje Biełaruskaja asacyjacyja žurnalistaŭ.
16.10.2022 / 16:21
U vyniku Iłla Dabratvor atrymaŭ pierałom nosa i čerapna-mazhavuju traŭmu. Jon nieadkładna źviarnuŭsia pa miedyčnuju dapamohu i ŭ palicyju. Pa słovach Dabratvora, napadnika pakul zatrymać nie ŭdałosia.
Sam Iłla źviazvaje napad vyklučna z prafiesijnaj dziejnaściu.