Čaćviora rasijskich mabilizavanych zahinuli pad Chiersonam — praz paru dzion, jak apynulisia na pieradavoj
Čaćviora mabilizavanych z Krasnajarskaha kraju zahinuli ŭ vajnie. Pra heta paviedamiła aficyjnaje vydańnie Minusinska i rajona «Ułada pracy» i miascovy sajt «Pozirk.Info».
15.10.2022 / 13:54
Fota: AP / Lea Karea
«Mužčyny, jakija pad huki arkiestra 26 vieraśnia sieli ŭ aŭtobusy i adpravilisia na vučobu ŭ Omsk, užo praz tydzień apynulisia na pieradavoj», — napisaŭ «Pozirk.Info». Mabilizavanyja zahinuli ŭ Chiersonskaj vobłaści 5 i 7 kastryčnika. Abstaviny hibieli pakul nie vydajucca.
Samamu małodšamu, Alaksandru Pamihałavu, było 23 hady. Jon viarnuŭsia z terminovaj słužby tolki ŭ 2020 hodzie.
27-hadovy Ihar Pučkoŭ byŭ žanaty, u jaho zastalisia dvoje maleńkich synoŭ.
U 35-hadovaha Alaksandra Paryłova zastalisia žonka i dvoje dziaciej.
Ivanu Puchavu było 40 hod.
Niadaŭna rasijski vajenkar «Zapiski mičmana Ptičkina»paviedamlaŭ, što siarod mabilizavanych užo bolš za 100 čałaviek zahinuła.