Na vajnie va Ukrainie zahinuŭ student-bahasłoŭ z Hrodna
11 kastryčnika ad atrymanych traŭmaŭ pamior biełaruski student jevanhielskaha bahasłoŭja Chryścijanskaj teałahičnaj akademii ŭ Varšavie Michaił Šavielski. Jamu byŭ 21 hod.
14.10.2022 / 13:56
Da pryjezdu ŭ Polšču jon vyvučaŭ psichałohiju ŭ Hrodzienskim dziaržaŭnym univiersitecie i byŭ adličany pa palityčnych matyvach i pavinien byŭ być pryzvany ŭ biełaruskaje vojska, paviedamlaje pres-słužba Jevanhielska-aŭhsburhskaj carkvy ŭ Polščy.
Sa studzienia 2021 hoda pačaŭ svajo bahasłoŭskaje navučańnie ŭ Polščy, u Chryścijanskaj teałahičnaj akademii ŭ Varšavie.
Daviedaŭšysia pra napad Rasii na Ukrainu, Michaił pierapyniŭ vučobu i vyrašyŭ adpravicca na vajnu dla padtrymki ŭkrainskich voinaŭ, paviedamlaje carkva.