U Baranavičach čałaviek skraŭ aŭtobus, kab viarnucca da siabie ŭ viosku, ale ŭsio pajšło nie tak
Zdareńnie adbyłosia kala 10-j ranicy kala ahraharadka Žamčužny, paviedamlaje «Naš kraj».
13.10.2022 / 11:04
Kiroŭca adnaho aŭtamabila rastłumačyŭ:
— Pierad nami ruchaŭsia aŭtobus, i ŭ jaho zaharełasia koła. I ja, i inšyja kiroŭcy pačali sihnalić, spadziavalisia, što aŭtobus spynicca. Ale kiroŭca spyniŭsia, kali połymiem byŭ achopleny ŭžo amal uvieś aŭtobus.
Na miesca vyjechali supracoŭniki MNS, DAI i chutkaj dapamohi. Aŭtobus byŭ patušany. Kiroŭcy arhanizavali abjezd prablemnaha ŭčastka pa poli.
U DAI raskazali, što aŭtobus znachodzicca va ŭhonie. 39-hadovy mužčyna ŭhnaŭ aŭtobus prosta z aŭtavakzała. A kali toj staŭ hareć, pakinuŭ transpartny srodak i syšoŭ. Pa haračych śladach jaho ŭdałosia zatrymać. Jon rastłumačyŭ, što nakiroŭvaŭsia ŭ viosku Pałonka.