РБК: Кіроўцу грузавіка, што выбухнуў на мосце, выкарыстоўвалі ўсляпую
Крыніца РБК у сілавых структурах паведаміла, што кіроўцу грузавіка, які раніцай 8 кастрычніка выбухнуў на Крымскім мосце, выкарыстоўвалі ўсляпую, ён не ведаў аб запланаваным падрыве.
08.10.2022 / 19:57
Па словах крыніцы, кіроўца атрымаў заказ на перавозку угнаенняў праз інтэрнэт. На месцы працуюць выбухатэхнікі мясцовага ўпраўлення ФСБ. Яны спрабуюць высветліць тып і паходжанне выбухоўкі.
У выніку выбуху грузавы фуры на Крымскім мосце рана раніцай 8 кастрычніка былі разбураныя два аўтамабільныя пралёты, пашкоджаныя чыгуначныя шляхі. Як мінімум тры чалавекі загінулі. Уладальнік грузавіка быў жыхаром Краснадара, аднак ён нібыта нядаўна прадаў машыну.