Zialenski: Ukraina nie budzie pravodzić nijakich pieramoŭ z Rasijaj, pakul jaje prezidentam źjaŭlajecca Pucin
Zajava Zialenskaha była adkazam na vykazvańnie Pucina padčas cyrymonii anieksii Rasijaj terytoryj ukrainskaj dziaržavy ab tym, što jon prapanuje Kijevu «nieadkładna spynić ahoń, usie bajavyja dziejańni, tuju vajnu, jakuju jon raźviazaŭ jašče ŭ 2014 hodzie, i viarnucca za stoł pieramoŭ».
30.09.2022 / 18:12
Zialenski ŭ svaim videazvarocie zajaviŭ na heta, što ŭkrainski bok raniej vystupaŭ ź inicyjatyvami ŭ pierahavornym pracesie, prapanoŭvaŭ Rasii «damovicca ab suisnavańni na roŭnych, sumlennych, hodnych i spraviadlivych umovach».
Adnak, «kali Rasiju ŭznačalvaje Pucin, damovicca ź joj niemahčyma», śćviardžaje Zialenski.
«Tamu my hatovyja da dyjałohu z Rasijaj, ale ŭžo ź inšym prezidentam», — skazaŭ jon.