Va Ukrainie sud skasavaŭ aryšt rachunkaŭ kampanii, zarehistravanaj na dačku Mašenskaha
Adzin z kijeŭskich sudoŭ skasavaŭ aryšt, raniej nakładzieny na bankaŭskija rachunki pryvatnaj kampanii «Santa Ukraїna». Kančatkovaja jaje ŭłaśnica — Jana Mašenskaja, dačka biełaruskaha biznesoŭca Alaksandra Mašenskaha, adnaho ź bienieficyjaraŭ biełaruska-niamieckaha pradpryjemstva «Santa Bremar», piša «Radyjo Svaboda».
29.09.2022 / 16:34
Fota ilustracyjnaje
U pryvatnaści, sud skasavaŭ aryšt rachunkaŭ, adkrytych ŭ piaci ŭkrainskich bankach, i dazvoliŭ kampanii rabić ź ich vypłatu zarobkaŭ supracoŭnikam, a taksama abaviazkovych płaciažoŭ i zboraŭ u dziaržaŭny biudžet i sacyjalnyja fondy, apłatu kamunalnych pasłuh, za achovu i na padtrymku Uzbrojenych sił Ukrainy.
Aktyvy i rachunki hrupy kampanij, jakija raniej naležali Alaksandru Mašenskamu, a ŭ śniežni 2020 hoda byli pierarehistravanyja na jaho dačku, aryštavali ŭ traŭni.