U Jeŭropie rychtujucca da mahčymych adklučeńniaŭ suviazi z-za hazavaha kryzisu
Spynieńnie pastavak hazu z Rasii stavić pad pahrozu pracu telekamunikacyjnych apierataraŭ u Jeŭropie i prymušaje ich šukać reziervovyja šlachi, kab nie dapuścić adklučeńniaŭ suviazi, piša Reuters.
29.09.2022 / 15:32
Pradstaŭniki telekamunikacyjnaj haliny aścierahajucca, što surovaja zima stanie vyprabavańniem dla telekamunikacyjnaj infrastruktury Jeŭropy, što prymušaje kampanii i ŭrady šukać sposaby dla źmiakčeńnia niehatyŭnych nastupstvaŭ.
Pa słovach čatyroch kiraŭnikoŭ telekamunikacyjnych kampanij, u mnohich jeŭrapiejskich krainach niedastatkova reziervovych sistem, kab spravicca z masavymi adklučeńniami elektraenierhii, što pavyšaje imaviernaść pierabojaŭ u pracy mabilnaj suviazi.
Jeŭrapiejskija krainy, jakija pryvykli da bieśpierabojnaha elektrazabieśpiačeńnia, pieravažna nie majuć hienierataraŭ reziervovaha siłkavańnia na praciahłyja pieryjady času. U Jeŭropie znachodzicca amal paŭmiljona telekamunikacyjnych viežaŭ, bolšaść ź jakich majuć reziervovyja batarei, jakich chapaje na 30 chvilin dla pracy mabilnych anten.
Apieratary pracujuć z vytvorcami telekamunikacyjnaha abstalavańnia Nokia i Ericsson, kab madernizavać abstalavańnie i pamienšyć vykarystańnie lišniaj enierhii.