U handlovym centry «Dana Moł» padčas sustrečy z 12-hadovaj błohierkaj zdaryłasia nadzvyčajnaja situacyja, jość paciarpiełyja
Jak piša «Zierkało», lift upaŭ z vyšyni druhoha paviercha. Aficyjnyja viedamstvy traktujuć zdareńnie inakš.
24.09.2022 / 15:44
Jak paviedamili ŭ Minzdaroŭja, na miescy pracujuć adna reanimacyjnaja i čatyry liniejnyja bryhady.
Fakt taho, što lift upaŭ, abviarhajuć. Paviedamlajecca, što z-za pierahruzu kabiny adbyłosia jaje ekstranaje spynieńnie. Tudy ŭbiłasia bolš za 20 čałaviek.
Čytačy «Zierkała» raspaviali, što ŭ adnym ź liftaŭ abarvalisia trosy. «Lift upaŭ z druhoha paviercha, u centry adrazu spynili jašče i eskałatary, uźnikła ciskanina», — raspaviała adna ź dziaŭčat, jakaja była ŭ handlovym centry. Jašče adzin z čytačoŭ taksama paviedamiŭ ab incydencie ź liftam i što na miescy zdareńnia pracujuć miedyki.
12-hadovaja rasijskaja śpiavačka i błohierka Miłana Chamietava viadomaja pa papularnaj u tyktoku pieśni «Apuci — ni puciu».
Miłana Chamietava.