Інфармацыя, што ў беларускіх ВНУ актуалізуюць спісы паўналетніх студэнтаў мужчынскага полу, аказалася фэйкавай
Гэта мерапрыемства мусіла нібыта праводзіцца ў сувязі з загадам Міністэрства адукацыі Рэспублікі Беларусь №576 ад 22 верасня 2022 года, выдадзенага ў рамках ініцыяванай Лукашэнкам праверкі боегатоўнасці Узброеных сілаў. Але пазней аказалася, што дакумент фальсіфікаваны, а сайт, на якім ён размешчаны, узламаны.
23.09.2022 / 21:31
Загадам, падпісаным міністрам адукацыі Андрэем Іванцом, дэканатам прадпісваецца:
- падрыхтаваць поўныя спісы паўналетніх студэнтаў мужчынскага полу і азнаёміць з тэкстам загаду №576 пад роспіс;
- забяспечыць кантроль за своечасовай яўкай студэнтаў ад 18 гадоў у ваенкаматы для зверкі персанальных звестак;
- праінфармаваць пад подпіс аб адказнасці за ўхіленне ад выканання распараджэння аж да адлічэння.
На выкананне гэтых пунктаў адведзена ўсяго некалькі дзён.