U Iranie pratesty vybuchnuli ŭ roznych haradach. Situacyja vychodzić z-pad kantrolu ŭładaŭ
U Iranie ŭzmacniajucca pratesty, vyklikanyja śmierciu dziaŭčyny, jakaja praź źbićcio palicejskimi pamierła ŭ palicejskim učastku.
20.09.2022 / 23:32
Pratestoŭcy zryvajuć partrety relihijnych lidaraŭ z uradavych budynkaŭ, palać chidžaby.
U roznych haradach iduć vuličnyja bai. Palicejskija pakul nie dajuć rady pratestoŭcam.
Pra achviary dakładnaj infarmacyi niama. Paviedamlajecca pra ranieńnie 10-hadovaj dziaŭčyny.
U Iranie pratesty pačalisia 18 vieraśnia paśla hibieli pravaabaroncy i zmaharki za pravy žančyn Machsy Amini.
22-hadovaja pravaabaronca Machsa Amini ź iranskaha Kurdystana pryjechała ŭ Tehieran praviedać svajakoŭ. 13 vieraśnia jaje zatrymaŭ śpiecyjalny atrad palicejskich, jakija sočać za vykanańniem šaryjackich normaŭ. Dziaŭčynu abvinavacili ŭ tym, što jana zamiest chidžaba mieła chustku. I z palicejskaha pastarunka žyvoj jana ŭžo nie vyjšła.
Pavodle aficyjnaj viersii, Machsa Amini pamierła ŭ pastarunku praz prablemy z sercam. Ale, pa źviestkach ŚMI, dziaŭčyna pamierła ŭ špitali. Tudy jaje dastavili z pastarunka mocna źbitaj, ź pierałamanym čerapam, i jana znachodziłasia ŭ stanie komy. Pra jaje śmierć było abjaŭlena 16 vieraśnia.