Mahnus Karłsen zdaŭsia paśla pieršaha chodu ŭ hulni z 19-hadovym sapiernikam
Čempijon śvietu pa šachmatach Mahnus Karłsen paśla pieršaha chodu zdaŭsia ŭ partyi z 19-hadovym amierykancam, jakoha raniej abvinavacili ŭ čytarstvie.
20.09.2022 / 11:14
Narviežac paciarpieŭ paražeńnie ad amierykanca Chansa Nimana na anłajn-turniry Champions Chess Tour. Matč prachodziŭ virtualna na šachmatnaj anłajn-płatformie Chess24.
Karłsen, jaki hulaŭ čornymi, zdaŭsia paśla taho, jak sapiernik zrabiŭ druhi chod, pravioŭšy napierad druhuju piešku. Sam narviežac paśpieŭ zrabić adzin chod kaniom (Kg8-f6). Ničoha nie skazaŭšy, Karłsen vyklučyŭ veb-kamieru.
Raniej u vieraśni Niman abyhraŭ Karłsena ŭ turniry Grand Chess Tour u Sent-Łuisie, paśla čaho čempijon śvietu zapadozryŭ sapiernika ŭ žulnictvie i źniaŭsia z turniru. Nimana abvinavačvali ŭ tym, što jon zmoh vyjhrać dziakujučy… analnym šarykam z dystancyjnym kiravańniem.
Niahledziačy na toje, što čytarstva Nimana nie dakazali, jamu zabaranili hulać na najbujniejšaj šachmatnaj płatformie Chess.com, ale pakinuli mahčymaść hulać na Chess24.