Rasija pieradaść Biełarusi mulažy dakumientaŭ ab padziele Rečy Paspalitaj
Rasija pieradaść u dar Biełarusi kopii dakumientaŭ, pryśviečanych padziełu terytoryi Rečy Paspalitaj. Pra heta zajaviŭ ministr zamiežnych spraŭ RF Siarhiej Łaŭroŭ, adkryvajučy vystavu, pryśviečanuju «250-hoddziu ŭźjadnańnia narodaŭ Rasii i Biełarusi» — tak rasijskija prapahandysty akreślivajuć ciapier pieršy padzieł Rečy Paspalitaj.
19.09.2022 / 17:43
«Hetyja ekspanaty nikoli raniej nie pakidali schovišča», — padkreśliŭ Łaŭroŭ. Zachoŭvajucca jany ŭ Archivie źniešniaj palityki Rasijskaj impieryi.
Paviedamlajecca, što havorka idzie pra takija dakumienty, jak ruska-pruskaja i ruska-aŭstryjskaja kanviencyi ab pieršym padziele Rečy Paspalitaj, Varšaŭski nadzvyčajny mirny dahavor ab «dałučeńni» da Rasii šerahu ziemlaŭ, zapiski člena Kalehii zamiežnych spraŭ Alaksandra Biezbarodki pa polskich spravach na adras Kaciaryny II ź jaje ŭłasnaručnaj rezalucyjaj.
«My padrychtavali mulažy hetych unikalnych materyjałaŭ i pieradadzim ich siońnia ŭ dar biełaruskim siabram», — skazaŭ Łaŭroŭ.