Palitviaźnia Siarhieja Babko asudzili da dvuch hadoŭ kałonii za «abrazy»
U sudzie Maskoŭskaha rajona Minska 19 vieraśnia da dvuch hadoŭ kałonii va ŭmovach ahulnaha režymu asudzili 50-hadovaha palitviaźnia Siarhieja Babko, paviedamlaje «Viasna».
19.09.2022 / 15:49
Za kamientaryi ŭ internecie jaho abvinavacili pa dvuch artykułach Kryminalnaha kodeksa: č. 1 art. 368 (abraza Łukašenki) i art. 369 (abraza pradstaŭnika ŭłady). Spravu razhladaŭ suddzia Juryj Maškietaŭ.
Siarhiej Babko byŭ zatrymany 26 maja ŭ miežach kryminalnaj spravy. Adrazu jon utrymlivaŭsia ŭ žodzinskim śledčym izalatary, na pačatku vieraśnia byŭ pieraviedzieny ŭ SIZA-1.