Amierykanskija ekśpierty zajavili, što ŭvieś Kupiansk pad kantrolem ukraincaŭ
Pra heta havorycca ŭ zvodcy amierykanskaha Instytuta vyvučeńnia vajny (ISW). Aficyjna hetaja infarmacyja pakul nie pacviardžałasia.
17.09.2022 / 09:56
Raniej u piatnicu ŭ sacsietkach źjavilisia paviedamleńni ab tym, što ŭkrainskaje vojska, pierajšoŭšy raku Askoł, zaniała ŭschodniuju častku horada Kupiansk.
U zvodcy ISW havorycca, što kadry z hieałakacyjaj pacviardžajuć, što ŭkrainskija siły zaniali pazicyi na ŭschodnim bierazie raki Askoł u Kupiansku. Vajennyja ekśpierty taksama ličać, što rasijskija siły, vierahodna, zanadta słabyja, kab pieraškodzić dalejšamu prasoŭvańniu ŭkrainskich vojskaŭ uzdoŭž usioj raki, kali ŭkrainskija siły praciahnuć nastupalnyja apieracyi.