U Minsku zatrymlivajuć hienietykaŭ z Akademii navuk
Jak paviedamlaje telehram-kanał Svabodnaha prafsajuza, z pačatku vieraśnia ŭ instytucie hienietyki i cytałohii NAN Biełarusi adbyvajucca zatrymańni.
16.09.2022 / 19:53
Tak, 5 vieraśnia byŭ zatrymany małodšy navukovy supracoŭnik instytuta — Alaksandr Kandraciuk. Spačatku sud Pieršamajskaha rajona Minska aryštavaŭ jaho na 13 sutak, a potym jaho pierazatrymali pavodle art. 130 KK (Raspalvańnie sacyjalnaj varožaści ci varažniečy).
14 vieraśnia siłaviki zatrymali inšaha supracoŭnika — Jaŭhiena Sysalacina. Ciapier jaho ŭtrymlivajuć u IČU na Akreścina.
Učora siłaviki znoŭ pryjazdžali ŭ instytut. Viadoma, što adnu z supracoŭnic milicyjanty advozili na «hutarku» i zapisali z žančynaj videa.