Украіна атрымае высокадакладныя снарады для гаўбіц. ЗША заявілі пра чарговую партыю вайсковай дапамогі

Прэзідэнт ЗША Джо Байдэн абвясціў пра новы пакет вайсковай дапамогі Украіне. Гаворка ідзе пра суму ў 600 млн даляраў.

16.09.2022 / 08:16

Фота: AP

У гэты пакет увайшлі:

— дадатковыя боепрыпасы для высокамабільных артылерыйскіх ракетных сістэм (HIMARS);

— 36 тыс. 105-мм артылерыйскіх снарадаў;

— тысяча высокадакладных артылерыйскіх снарадаў калібру 155 мм;

— чатыры контр-артылерыйскія радары;

— чатыры грузавікі і восем прычэпаў для перавозкі цяжкага абсталявання;

— сістэмы процідзеяння беспілотным лятальным апаратам;

— абсталяванне для размінавання;

— супрацьпяхотныя боепрыпасы Claymore;

— стралковая зброя і боепрыпасы;

— прыборы начнога бачання, абсталяванне для халоднага надвор'я і іншае палявое абсталяванне.

Nashaniva.com