U Minsku zapuskajecca fastfud viadomaha maskoŭskaha restaratara
U handlovym centry GreenCity źjaviłasia šylda sietki fastfudu Free&Co — kadry apublikavaŭ błohier koko_by. Heta sietka viadomaha maskoŭskaha restaratara. Pra padrabiaznaści zapusku kropki ŭ Minsku daviedaŭsia Realt.by.
15.09.2022 / 18:06
«Heta franšyza rasijskaha Free&Co — jany dynamična raźvivajucca. Kiravać restaranam chutkaha charčavańnia ŭ Minsku buduć biełarusy. Dla ich heta startap: heta nie viadomyja restaratary. Ale, niahledziačy na toje, što jany pačatkoŭcy ŭ hramadskim charčavańni, u inšych sfierach heta dosyć daśviedčanyja ludzi», — raskazaŭ vydańniu namieśnik dyrektara Green City Alaksandr Kurač.
Adkryćcio ŭstanovy čakajecca ŭ 20-ch čysłach vieraśnia.
Sietka Free&Co adkryłasia ŭ Rasii ŭ 2020 hodzie, sami ŭstanovy taksama viadomyja pad šyldaj Freedog; u Maskvie pracuje 12 kropak sietki. Jaje zasnavalnik — maskoŭski restaratar Juryj Levitas, saŭładalnik i hiendyrektar Black Star Burger. U mieniu pica, firmovyja chot-dohi, zakuski, desierty i napoi.