«Situacyja składanaja». U samaabvieščanaj «ŁNR» zajavili pra nabližeńnie ŭkrainskich vojskaŭ
Pradstaŭnik tak zvanaj narodnaj milicyi «ŁNR» Andrej Maračka zajaviŭ, što ŭkrainskija vojski nablizilisia da miežaŭ samaabvieščanaj respubliki, paviedamlaje TASS.
14.09.2022 / 15:48
Fota: TASS
Na niekatorych učastkach, paviedamiŭ jon u efiry «Rasii 1», linija sudakranańnia znachodzicca prykładna za 10 kiłamietraŭ ad miežaŭ kantralavanaj «ŁNR» terytoryi.
«Heta vielmi mała, skažam tak, dla vajennych dziejańniaŭ», — skazaŭ jon, padkreśliŭšy, što «situacyja sapraŭdy składanaja».
Pry hetym Maračka śćviardžaje, što terytoryja «ŁNR» «całkam kantralujecca narodnaj milicyjaj i sajuznymi siłami».
Adnak, adznačyŭ jon, abstreły z boku USU za apošnija niekalki dzion «pačali narastać u hieamietryčnaj prahresii».