Biełaruskim i rasijskim spartśmienam znoŭ nie dazvolili ŭdzielničać u Bostanskim marafonie
«Da Bostanskaha marafonu nie dapuściać hramadzian Rasii i Biełarusi. Hramadzianie Rasii i Biełarusi, jakija ciapier nie źjaŭlajucca žycharami hetych krain, mohuć pa-raniejšamu ŭdzielničać u spabornictvach, adnak nie zmohuć vystupać pad ściaham nivodnaj z hetych krain», — paviedamlaje Bostanskaja asacyjacyja atletyki.
13.09.2022 / 17:22
Fota ilustracyjnaje
U krasaviku biełarusam i rasijanam nie dazvolili ŭdzielničać u sioletnim marafonie, a ciapier dajšła čarha i da mierapryjemstva nastupnaha hoda.
Rehistracyja na Bostanski marafon 2023 hoda adkrytaja z 12 da 16 vieraśnia.
Bostanski marafon — adny z najstarejšych i najprestyžniejšych spabornictvaŭ u hetaj dyscyplinie. Jon pravodzicca z 1897 hoda ŭ Dzień Patryjotaŭ, jaki adznačajecca ŭ štatach Masačusiets, Viskonsin i Men u treci paniadziełak krasavika.