«Jaho taniec staŭ viečnym». U bai na Danieččynie zahinuŭ zasłužany artyst Ukrainy
Namieśnica hałoŭnaha redaktara vydańnia «Ukraїna mołoda» Valancina Samčanka paviedamiła, što ŭ paniadziełak na Danbasie ŭ bai z rasijskimi akupantami zahinuŭ salist baleta Nacyjanalnaj opiery Alaksandr Šapavał.
13.09.2022 / 08:08
Valancina Samčanka napisała:
«U bai pad Majorskam Danieckaj vobłaści siońnia, 12 vieraśnia, zahinuŭ Šapavał Alaksandr Mikałajevič — zasłužany artyst Ukrainy, salist baleta Nacyjanalnaj opiery Ukrainy imia Tarasa Šaŭčenki».
Pryma-baleryna Nacyjanalnaj opiery Kaciaryna Kuchar pacvierdziła hetuju infarmacyju.
«Jon byŭ vydatnym artystam, kožnaja naša partyja była napoŭnienaja takim žyćciom… Tamu što jon adzin ź niamnohich, chto žyŭ scenaj… A ciapier jaho taniec staŭ viečnym».