Ukrainskaja armija ŭvajšła ŭ Śviatahorsk na Danieččynie
Siły abarony Ukrainy na Danieččynie ŭvajšli ŭ horad Śviatahorsk i pravodziać začystku miascovaści, paviedamlaje na padstavie infarmacyi svaich krynic «Ukrainskaja praŭda».
12.09.2022 / 17:34
Aficyjnych paviedamleńniaŭ Hienštaba abo Minabarony pakul niama, ale ŭ sacsietkach užo źjavilisia fota padniataha na hanku haradskoj rady ŭkrainskaha ściaha, a taksama bajca Nachvardyi Vitala Markava z nadpisam «My ŭ Śviatahorsku».
Hety horad z nasielnictvam 4000 čałaviek na levym bierazie raki Sievierski Daniec byŭ zachopleny rasijskimi vojskami 7 červienia. Jon znachodzicca za 10 kiłamietraŭ na paŭnočny zachad ad Limana. Pry hetym pravasłaŭnaja Śviatahorskaja łaŭra, raźmieščanaja na inšym bierazie raki Sievierski Daniec, zastavałasia pad kantrolem ukrainskich sił, choć i paciarpieła ad abstrełaŭ.