Rasijanie pačali evakuacyju z horada Vaŭčansk. Ëść infarmacyja, što ŭkraincy ŭstupili ŭ Lisičansk
Vaŭčansk — heta samy ŭschodni rajcentr Charkaŭskaj vobłaści. Ën raźmieščany za 5 km ad rasijskaj miažy.
10.09.2022 / 16:41
Raniej rasijskija błohiery paviedamili pra vysadku ŭkrainskaha desantu kala Chatomli na ŭschodnim bierazie Piečaniežskaha vadaschovišča.
A kiraŭnik Łuhanskaj abłasnoj administracyi namiaknuŭ na toje, što ŭkrainskija vojski blizkija da vyzvaleńnia Lisičanska — značnaha pramysłovaha centra na race Sievierski Daniec, miesca raźmiaščeńnia naftapierapracoŭčaha zavoda.
Heta aznačaje, što rasijski front rassypaŭsia jak damino paśla praryvu ŭkrainskaj armii na poŭnač ad Bałaklei.