Галоўчанка аб экспарце: Цудаў не бывае
Прэм'ер-міністр Беларусі Раман Галоўчанка заявіў, што знешнегандлёвае сальда расце, паведамляе прэс-служба ўрада.
10.09.2022 / 12:36
«Калі казаць пра экспарт, то вядома, у нас пэўныя было прасяданне, звязанае як з санкцыямі, так і стратай украінскага рынку. Але пачынаючы з чэрвеня мы прырастаем да экспарту ад 6 да 8%. Сітуацыя з экспартам паволі аднаўляецца», — сказаў Галоўчанка.
Пры гэтым ён адзначыў, што «цудаў не бывае, і што прапала ў адным месцы, з'явіцца ў іншым».
Галоўчанка адзначыў, што ідзе станоўчая дынаміка па штомесячным аднаўленні экспарту, кожны месяц паляпшаецца знешнегандлёвае сальда. З ягоных слоў цяпер яно складае 2,3 млрд даляраў, у жніўні прырасце на 500 млн даляраў.