U rysi, jakaja napała na ludziej na Mahiloŭščynie, pacvierdzili šalenstva
Dyjahnaz «šalenstva» pacvierdziŭsia ŭ rysi, jakaja napała na dvuch mužčyn u Mahiloŭskim rajonie ŭ čacvier. Pra heta paviedamlaje MogilevNews sa spasyłkaj na lekara-epidemijołaha addzialeńnia asabliva niebiaśpiečnych infiekcyj Mahiloŭskaha abłasnoha centra hihijeny, epidemijałohii i hramadskaha zdaroŭja Natałlu Marozavu.
09.09.2022 / 16:15
Fota ilustracyjnaje
«Padčas rasśledavańnia vyśvietliłasia, što ŭ žyvioliny było šalenstva, — skazała śpiecyjalistka. — Paciarpiełyja špitalizavanyja, ciapier im pravodzicca kurs antyrabičnych pryščepak suprać šalenstva».
Jak paviedamlałasia, ranicaj 8 vieraśnia vyratavalnikam pastupiła paviedamleńnie pra napad rysi na ludziej u sadovym tavarystvie «Pušča» Mahiloŭskaha rajona. Ad ukusaŭ paciarpieli dvoje mužčyn 1956 i 1963 hoda naradžeńnia. Ludziej špitalizavali, a drapiežnika zabili.