Еўракамісія зацвердзіла адмену пагаднення з Расіяй аб спрошчаным візавым рэжыме
Рашэнне прынятае сёння раніцай і ўступіць у сілу 12 верасня.
09.09.2022 / 12:55
Гэта азначае, што візавы збор для атрымання «шэнгена» вырасце з 35 да 80 еўра, тэрмін разгляду заявак павялічыцца. Можа ўзрасці і колькасць дакументаў — іх пералік будзе вызначаць кожная краіна шэнгенскай зоны асобна.
Як паведамлялася раней, Латвія і Эстонія вырашылі практычна цалкам зачыніцца для грамадзян Расіі — нават калі ў іх ёсць візы. Чакаецца, што Літва і Польшча далучацца да іх. Раней Фінляндыя абвясціла аб рэзкім скарачэнні прыёму дакументаў на візы — у першую чаргу, на турыстычныя.