Pravaabaroncy pryznali palitviaźniami jašče 12 čałaviek
Palitviaźniami pryznali Ivana Karabielnikava, Arcioma Kałašuka, Barysa Kajziera, Dźmitryja Kryvulku, Siarhieja Anańjeva, Jaŭhiena Lickieviča, Uładzisłava Šałabanava, Siarhieja Siasickaha, Vitala Hryhala, Alaksandra Puhača, Siarhieja Skakuna, Paŭła Varapaja, paviedamlaje «Viasna».
08.09.2022 / 18:29
Hetyja ludzi ŭziatyja pad vartu ci asudžanyja da roznych terminaŭ źniavoleńnia za abrazu Łukašenki, pradstaŭnikoŭ ułady (supracoŭnikaŭ milicyi), suddziaŭ i źniavahu dziaržavy i dziaržaŭnych simvałaŭ, inšyja formy realizacyi svabody mierkavańniaŭ.
Ahulnaja kolkaść ludziej, jakich pravaabaroncy pryznali ŭ Biełarusi palitviaźniami, — 1331 čałaviek.
Ale jość jašče sotni ludziej, jakija znachodziacca za kratami pa palityčnych matyvach, ale pa roznych pryčynach nie majuć takoha statusu.