Ukrainskaja armija zaniała Bałakleju, padyšła da Kupianska
U telehram-kanałach źjavilisia fota i videa, na jakich vidać ukrainskija ściahi nad budynkam haradskoj administracyi i ŭ centry horada. Paźniej źjaviłasia i videa, jak ukrainskaja braniatechnika zajmaje horad.
08.09.2022 / 17:46
Kiraŭnik Ofisa prezidenta Ukrainy Andrej Jarmak apublikavaŭ u svaim telehram-kanale emodzi ŭkrainskaha ściaha. Inšych kamientaryjaŭ ad ukrainskaha kiraŭnictva pakul nie było.
Paviedamlajecca, što ŭkrainskaja armija padyšła da Kupianska, a ŭ samim horadzie dziejničajuć ukrainskija raźviedhrupy. Siońnia ŭranku rasijskija SMI paviedamili pra pačatak evakuacyi z horada kałabaracyjnaj Charkaŭskaj abłasnoj administracyi, jakaja tam raźmiaščałasia.