Pamierła brytanskaja karaleva Lizavieta II
Jana ŭzyšła na tron 6 lutaha 1952 hoda va ŭzroście 25 hadoŭ paśla śmierci svajho baćki, karala Hieorha VI. Lizavieta była manarcham z samym vialikim terminam kiravańnia za ŭsiu historyju Vialikabrytanii, a taksama najstarejšym kiraŭnikom dziaržavy ŭ śviecie.
08.09.2022 / 20:35
Na pieryjad praŭleńnia Lizaviety II vypaŭ vielmi šyroki pieryjad historyi: dekałanizacyja, jakaja pryviała da raspadu Brytanskaj impieryi i jaje transfarmacyi u Sadružnaść nacyj; adbyłosia ŭvachodžańnie Vialikabrytanii ŭ Jeŭrapiejski sajuz i vychad ź jaho; etnapalityčny kanflikt u Paŭnočnaj Irłandyi, Fałklendskuju vajnu, vojny ŭ Iraku i Afhanistanie.
Stan zdaroŭja karalevy surjozna pahoršyŭsia 8 vieraśnia, praz dva dni paśla pryznačeńnia novaj premjer-ministarki Liz Tras.
Lizaviecie było 96 hadoŭ.