U pamiežnaj zonie zabaranili vykarystoŭvać biez dazvołu navat maleńkija drony
Pry vykarystańni drona na režymnaj terytoryi kala miažy ciapier treba atrymlivać dazvoł Dziaržaŭnaha pamiežnaha kamiteta. Adpaviednyja praviły nabyli moc 24 žniŭnia 2022 hoda, paviedamlaje pres-słužba DPK.
07.09.2022 / 17:22
Dron-kvadrakoptar. Fota ilustracyjnaje
Zhodna z novymi praviłami, nielha vykarystoŭvać, nie spytaŭšysia dazvołu ŭ DPK, absalutna lubyja drony, u toj čas jak raniej hetaje abmiežavańnie nie zakranała latalnyja aparaty masaj mienš za 1 kh.
U paviedamleńni DPK padkreślivajecca: «Zabaronienaje vykarystańnie i (abo) vałodańnie bieśpiłotnikam u pamiežnaj pałasie, a taksama jaho pakidańnie pa-za nasielenymi punktami, raźmieščanymi ŭ pamiežnaj zonie, biez apaviaščeńnia orhanaŭ pamiežnaj słužby».
Niekatoryja vidy bieśpiłotnikaŭ pierad vykarystańniem u pamiežnaj zonie ciapier treba zarehistravać. Padrabiaznuju infarmacyju pamiežniki prapanujuć daviedacca ŭ Departamiencie pa avijacyi Mintransa Biełarusi.
Štraf za nievykanańnie praviłaŭ vykarystańnia bieśpiłotnikaŭ u pamiežnaj pałasie dasiahaje 50 bazavych vieličyń (1600 rubloŭ na siońnia), u pamiežnaj zonie — 20 bazavych vieličyń (640 rubloŭ).