Hrodziency paprasili viarnuć haradskomu transpartu sinie-žoŭtyja kolery. Adkaz čynoŭnikaŭ nie ździviŭ
U internecie źjaviłasia pietycyja da haradskich uładaŭ Hrodna. Miascovyja žychary prasili viarnuć žoŭta-siniuju afarboŭku haradskoha transpartu, u adpaviednaści z kolerami hierba i ściaha horada. Pad pietycyjaj padpisalisia 76 čałaviek, paviedamlaje s13.ru.
05.09.2022 / 16:53
Raniejšyja kolery tralejbusaŭ u Hrodnie
Padpisanty, praŭda, hatovyja byli pahadzicca i na kampramisny varyjant. «Kali heta nie budzie mahčymym, to prapanujem razhledzieć mahčymaść zamieny isnujučaj siniaj sumnaj afarboŭki na bolš jarkuju — naprykład, žoŭtuju», — pisali jany.
U prośbie haradžanam pradkazalna admovili. U aficyjnym adkazie za podpisam pieršaha namieśnika staršyni harvykankama Andreja Žuka im paviedamili, što «afarboŭka transpartnych srodkaŭ nijak nie ŭpłyvaje na jakaść pasłuh».
Ciapierašniaja adnatonnaja afarboŭka
«U suviazi ź nieabchodnaściu abnaŭleńnia afarboŭki kuzavaŭ tralejbusaŭ i aŭtobusaŭ pravodzicca rabota pa adnaŭleńni łakafarbavych pakryćciaŭ. U metach ekanomii srodkaŭ afarboŭka praviedzienaja ŭ adzin koler — sini, jak najbolš praktyčny dla ekspłuatacyi ruchomaha składu. U ciapierašni čas na haradskich maršrutach kursujuć aŭtobusy i tralejbusy roznych koleraŭ, a taksama brendavanyja», — paviedamili čynoŭniki.