Źmianilisia praviły pryjomu ŭ škoły i ŭ himnazii
Ministerstva adukacyi pryniało novyja praviły pryjomu vučniaŭ u siarednija škoły i himnazii, dakumient ustupiŭ u siłu z 1 vieraśnia, paviedamlaje karespandent ahienctva «Minsk-Naviny» sa spasyłkaj na Nacyjanalny pravavy partał.
04.09.2022 / 20:10
Paśla 9 kłasa ŭ himnazii buduć zaličvać navučencaŭ pa siarednich bałach profilnych pradmietaŭ. Dla taho, kab atrymać miesca ŭ kłasie, nieabchodna mieć bał nie nižejšy za 7, dla ahrarnaha kłasa — nie nižejšy za 6, a na astatnija svabodnyja miescy — nie nižejšy za 5.
Biez uliku adznak biez čarhi prymajucca pieramožcy zaklučnaha etapa respublikanskaj alimpijady pa navučalnych pradmietach.
Padać zajavu ŭ starejšyja kłasy z ukazańniem nie bolš čym dvuch pradmietaŭ, jakija chaciełasia b vyvučać u profilnym farmacie, možna z 12 červienia pa 10 žniŭnia.
Prykładna takija ž patrabavańni buduć pradjaŭlać i tym, chto zastajecca vučycca paśla 9 kłasa ŭ zvyčajnaj škole.