Na «Hrodna Azocie» dva supracoŭniki atrucilisia amijakam, jany ŭ balnicy
U piatnicu stała viadoma pra zdareńnie na «Hrodna Azocie». Jak paviedamiŭ kanał Hrodna one Love, dva supracoŭniki atrucilisia amijakam, jany ŭ balnicy ŭ addzialeńni taksikałohii. Adzin ź ich znachodzicca ŭ komie, inšaha dapytvali śledčyja.
02.09.2022 / 20:45
Fota: Vikipiedyja
Pavodle papiaredniaj infarmacyi, jakuju zdabyło «Zierkało», zdareńnie adbyłosia ŭ cechu «Karbamid-3». Nibyta tam «adbyłasia błakiroŭka pieradkłapanaŭ na linii amijaku i vychad praduktu».
Padčas ramontu ci abśledavańnia nie była adkryta śpiecyjalnaja armatura, z-za čaho kałonu sintezu «ścisnuła vakuumam». A paciarpiełyja jakraz spuskalisia ŭ jaje dla abśledavańnia.
Aficyjnaja infarmacyja pra situacyju źjaviłasia praz peŭny čas u haziecie «Hrodnienskij chimik»:
«Pastupiła paviedamleńnie pra dvuch paciarpiełych supracoŭnikaŭ padradnaj arhanizacyi, jakija biez papiaredniaha afarmleńnia dakumientaŭ i ŭzhadnieńnia z kiraŭnictvam cecha Amijak-3 prystupili da likvidacyi zaŭvah pa vykanańni dapamožnych rabot na biahučym ramoncie technałahičnaha abjekta padraździaleńnia».
Paciarpiełych rabočych, pavodle vydańnia pradpryjemstva, dastavili ŭ balnicu chutkaj dapamohi na viedamasnym miedycynskim abstalavańni.