Hałoŭčanka čakaje źnižeńnia cenaŭ na ŭnutranym rynku
Premjer-ministr Raman Hałoŭčanka padčas naviedvańnia Tałačynskaha kansiervavaha zavoda zajaviŭ, što najbližejšym časam čakaje na ŭnutranym rynku źnižeńnia cenaŭ. Pa jaho słovach, ceny na spažyvieckim rynku abaviazkova «prypaduć», bo sabrali bahaty ŭradžaj.
01.09.2022 / 22:42
Jon nahadaŭ, što dahetul na ŭnutranym rynku dziaržorhany fiksavali ceny, kab tavary zastavalisia dastupnymi. Hetaja miera ciapier budzie ŭzmocnienaja praz pavieličeńnie abjomaŭ harantavanaj zakładki ŭ schoviščy harodniny i sadaviny prykładna na tracinu da ŭzroŭniu minułaha hoda.
Roźničnyja sietki ciapier zaklučajuć doŭhaterminovyja damovy z pastaŭščykami i tymi, chto budzie zachoŭvać bulbu dy inšuju harodninu. Amal 40% spažyvanaj na ŭnutranym rynku bulby ŭžo zakantraktavana, paviedamiŭ Hałoŭčanka.
Kali kantraktavańnie z ajčynnymi pastaŭščykami zavieršycca, situacyja pa cenach stanie bolš stabilnaja i prahnazvanaja, upeŭnieny jon.