Za pasty i reposty «VKontaktie» viciablanina asudzili da 4,5 hadoŭ kałonii
U Viciebskim abłasnym sudzie vynieśli prysud 34-hadovamu Alaksieju Reźnikavu — čatyry z pałovaj hady kałonii va ŭmovach ahulnaha režymu. Spravu ŭ zakrytym režymie razhladaŭ suddzia Jaŭhien Burunoŭ, piša «Viasna».
01.09.2022 / 19:48
Za pasty i reposty va «VKontaktie» Reźnikava abvinavacili pa piaci artykułach Kryminalnaha kodeksa: č. 1 art. 130 (raspalvańnie sacyjalnaj varožaści), č. 1 art. 130-1 (reabilitacyja nacyzmu), č. 1 art. 368 (abraza Łukašenki), art. 369 (abraza pradstaŭnika ŭłady) i art. 370 (ździek ź dziaržaŭnych simvałaŭ).
Viadoma, što Alaksiej pracavaŭ raniej za miažoj, ale viasnoj z-za ciažkaha stanu jahonaj maci jon viarnuŭsia dadomu, dzie i byŭ zatrymany. Praz try dni paśla aryštu syna pamierła jahonaja maci. Mužčyna zastaŭsia biez svajakoŭ i znachodzicca bolš za čatyry miesiacy pad aryštam ŭ viciebskim SIZA № 2.