Na prypynkach Varšavy z’javilisia płakaty, pryśviečanyja biełaruskaj revalucyi
U ramkach kampanii salidarnaści #BiałoCzerwonoBiały Nacyjanalny Centr kultury ŭ Varšavie raźmiaściŭ płakaty-pieramožcy mižnarodnaha konkursu, pryśviečanaha biełaruskaj revalucyi, na bolš čym 100 aśvietlenych prypynkach hramadskaha transpartu ŭ roznych miescach polskaj stalicy, piša Reform.by.
31.08.2022 / 23:11
Prypynak u Varšavie z pracaj Jaŭhienii Mužavaj «My nie miasa». Fota: fejsbuk Jaŭhienii Mužavaj
«Konkurs, kampanija i vystava ŭ halerei pad adkrytym niebam Muzieja Karaleŭskich Łazienak va Uiazdoŭskich alejach u stalicy źjaŭlajucca vyrazam našaj salidarnaści z biełaruskim hramadstvam, jakoje nie spyniaje mirnaj baraćby za demakratyju ŭ svajoj krainie, — paviedamlajecca na sajcie Nacyjanalnaha centra kultury ŭ Varšavie. — Usich, kamu blizkija volnyja imknieńni našych susiedziaŭ-biełarusaŭ, zaklikajem demanstravać pamiać, salidarnaść i padtrymku ŭ mastackaj formie».
Sama vystava prac-pieramožcaŭ konkursu budzie pracavać da 4 vieraśnia na aharodžy parku Karaleŭskich Łazienak u Varšavie z boku alej Uiazdoŭskich.