Jak zmahacca z pustaziellem u aharodzie — dva sposaby za kapiejki biez chimii
Pustazielle — bič kožnaha aharodnika. Jano raście paŭsiudna, a vypałać jaho vielmi ciažka. Na ščaście, pradukty z vašaj kuchni mohuć ź im efiektyŭna zmahacca, piša Gazeta.pl.
31.08.2022 / 15:17
Efiektyŭny sprej dla baraćby z pustaziellem
Pryhatujcie rastvor vocatu i vady ŭ suadnosinach 2:1 i ščodra apyrskajcie im pustazielle. Rabicie heta ŭ biaźvietrany, suchi i soniečny dzień, kali tempieratura vyšej za 15 hradusaŭ. Ciaham troch dzion «niaprošanyja hości» musiać zavianuć.
Dla najlepšych vynikaŭ apyrskvajcie pustazielle raz na tydzień. Z kožnym razam jano budzie patrochu vianuć. Kali vy chočacie uzmacnić efiekt, dadajcie ŭ vadu sol.
Z pustaziellem ŭ bruku možna spravicca z dapamohaj sody
Ź jaho dapamohaj možna pazbavicca ad pustaziella, jakoje raście ź nievialikich ščylinaŭ — naprykład, pamiž brukam. Ščodra pasypcie im pustazielle ŭ ščylinach i jano zavianie!
Kali lepš za ŭsio zmahacca z pustaziellem?
I vocat, i charčovuju sodu lepš za ŭsio vykarystoŭvać rańniaj viasnoj, kali pustazielle jašče nie kvitnieje. Heta dazvolić vyrašyć prablemu ŭ zarodku, pierš čym jana raspaŭsiudzicca pa ŭsim aharodzie.
Akramia taho, maładoje pustazielle mienš ustojlivaje, čym staroje, i ad jaho lahčej pazbavicca.