Na pieršym uroku 1 vieraśnia buduć havaryć pra «histaryčnuju pamiać»
Temaj pieršaha ŭroka ŭ škołach Biełarusi 1-ha vieraśnia budzie «U histaryčnaj pamiaci siła i adzinstva biełaruskaha naroda». Pra heta paviedamiła načalnik upraŭleńnia ahulnaj siaredniaj adukacyi Ministerstva adukacyi Iryna Karžova, paviedamlaje BiełTA.
29.08.2022 / 17:54
Fota: BiełTA
Čynoŭnica taksama dadała, što ŭ hetym navučalnym hodzie, jak i ŭ papiarednim, buduć nalahać na ideałohiju: «Ministerstva adukacyi daje adpaviednyja rekamiendacyi pa aśviatleńni tych ci inšych tem, naprykład, u instruktyŭna-mietadyčnych piśmach jość rekamiendacyi pa aśviatleńni temy hienacydu biełaruskaha naroda ŭ ramkach vykładańnia vučebnych pradmietaŭ».
Iryna Karžova nahadała, što ŭ 2021/22 navučalnym hodzie zaviaršyŭsia pierachod na abnoŭlenyja vučebnyja prahramy, jaki ažyćciaŭlaŭsia paetapna z 2015 hoda. Pad novyja vučebnyja prahramy abnoŭlenyja i padručniki.