U Minsku pačaŭsia sud nad pres-sakratarom A1 Mikałajem Bredzielevym
Siońnia ŭ Minskim haradskim sudzie raspačaŭsia sud nad 35-hadovym kiraŭnikom upraŭleńnia suviaziaŭ z hramadskaściu kampanii A1 Mikałajem Bredzielevym. Jaho abvinavačvajuć pavodle č. 2 art. 424 KK (złoŭžyvańnie ŭładaj ci słužbovymi paŭnamoctvami) i art. 361-2 KK (finansavańnie dziejnaści ekstremisckaha farmavańnia), paviedamlaje «Viasna».
29.08.2022 / 14:41
Sudziać jaho pa źmienienym artykule za «finansavańnie ekstremisckaha farmavańnia». U redakcyi ad 26 maja 2021 hoda hetaja farmuloŭka adsutničaje. Ciapier — «finansavańnie ekstremisckaj dziejnaści abo dziejnaści, nakiravanaj na reabilitacyju nacyzmu».
Za kratami Mikałaja ŭtrymlivajuć užo dziaviaty miesiac — jaho zatrymali 10 śniežnia minułaha hoda. Viadoma, što siłaviki jaho źbivali. Paśla zatrymańnia na praŭładnych kanałach zjaviłasia «pakajannaje videa» z Mikałajem, dzie padamlałasia, što jon nibyta «źlivaŭ» niejkuju infarmacyju Antonu Matolku.
Padtrymać Mikałaja: SIZA-1, 220030, Minsk, Vaładarskaha, 2.