На лічбавых пляцоўках з'явіўся музычны альбом Сержа Мінскевіча
Гэты альбом, адзіны для нядаўна памерлага вядомага паэта і спевака, выйшаў у 1998 годзе. Ён мае назву «Жах-хі-хі / Шля-хі-хі» і складаецца з 16 песень. Прадстаўлены музычны альбом на пляцоўках Spotify, Youtube Music, Apple і Deezer.
23.08.2022 / 17:43
Серж Мінскевіч быў адным з арганізатараў і ўдзельнікаў літаратурна-мастацкага руху «Бум-Бам-Літ», таксама займаўся бардаўскай песняй, рок-музыкай. Быў музыкам, спеваком, аўтарам песень у рок-гурце «Жах». Пісаў электронную музыку.
Акрамя таго, ён вядомы як перакладчык, перакладаў з польскай мовы Адама Міцкевіча, Яраслава Івашкевіча, Славаміра Мрожэка і іншых, з англійскай Уільяма Шэкспіра, Персі Шэлі, Генры Лангфэла.
Памёр 8 чэрвеня 2022 года. Пахаваны на Лясных могілках пад Мінскам.