Avijaraźviedka pałka «Pahonia» zastupaje na słužbu va USU
Bajcy avijaraźviedki z pałka «Pahonia» prystupili da słužby va Uzbrojenych siłach Ukrainy, u składzie pieršaj asobnaj bryhady śpiecpryznačeńnia imia Bahuna. Pra heta paviedamlaje kamanda Prague Support Team, jakaja rabiła zbor na navučańnie i zabieśpiačeńnie bajcoŭ.
21.08.2022 / 12:25
Skrynšot ź videa
«Aeraraźviedka składajecca z nastupnych častak: hrupa padtrymki i dva raźviedvalnyja kryły. Kožnaje kryło ŭjaŭlaje saboj aŭtanomnuju raźviedvalna-ŭdarnuju hrupu z čatyroch čałaviek, jakija vyjaŭlajuć varožyja celi i źniščajuć ich šlacham naviadzieńnia i karektavańnia ahniu artyleryi albo ŭłasnymi ahniavymi srodkami. Hrupa składajecca z kamandzira kryła, apieratara BPŁA i dvuch naziralnikaŭ-apierataraŭ BSU. Pry nieabchodnaści členy hrupy ŭzajemna hatovyja zamianiać adzin adnaho», — piša Prague Support Team.
Pavodle źviestak Prague Support Team, na stvareńnie avijaraźviedki było sabrana 40 tysiač jeŭra. Bajcy prajšli prahramu padrychtoŭki ŭ jeŭrapiejskich instruktaraŭ.