Franak Viačorka pra pahrozu niavydačy viz: Dla biełarusaŭ ničoha nie źmianiajecca
Daradca Śviatłany Cichanoŭskaj prakamientavaŭ vykazvańni kiraŭnika litoŭskaha MZS, jaki zaklikaŭ spynić vydaču viz «turystam» ź Biełarusi i Rasii.
19.08.2022 / 14:50
«My znachodzimsia na suviazi ź ministerstvam zamiežnych spravaŭ Litvy: nas zapeŭnili, što Litva praciahnie vydavać vizy. Zvyčajnyja turystyčnyja vizy nie vydajucca jašče z 2020 hoda. Usie vizy, jakija ciapier vydajucca Litvoj, vydajucca pa humanitarnych pryčynach.
My suprać zabarony na vydaču vizaŭ dla biełarusaŭ. Izalavać treba režym, a nie narod. Ale razumiejem zaściarohi Litvy i jeŭrapiejskich partnioraŭ: mnohija saŭdzielniki režymu i prychilniki vajny złoŭžyvajuć šenhienskimi vizami. My raspracoŭvajem miechanizm vieryfikacyi, jaki b dazvoliŭ biełarusam, jakija nie padtrymlivajuć vajnu i režym, pieramiaščacca pa terytoryi Jeŭrasajuza.