Miadźviedzieŭ zaklikaŭ jeŭrapiejcaŭ zrynać urady, jakija padtrymlivajuć Ukrainu
Namieśnik staršyni Rady biaśpieki Rasii Dźmitryj Miadźviedzieŭ źviarnuŭsia da jeŭrapiejcaŭ i zaklikaŭ ich zrynać svaje ŭrady dziela hazu i aciapleńnia ŭ damach.
18.08.2022 / 17:19
Čynoŭnik zajaviŭ, što bolšaść žycharoŭ Jeŭropy «nie straciła zdarovy sens» i nibyta choča adnavić raniejšyja adnosiny z Rasijaj, ale hetamu pieraškadžajuć «debiłavatyja palityki, ašalełyja palaki, žabraki prybałty i finy, jakija biahuć u NATA».
«Dziejničajcie, jeŭrapiejskija susiedzi! Nie maŭčycie. Zaklikajcie svaich niedarek da adkazu. I my vas pačujem. Vyhada vidavočnaja — zimoj u kampanii z Rasijaj značna ciaplej i kamfortniej, čym u hanarlivaj adzinocie z vyklučanaj hazavaj plitoj i chałodnaj batarejaj», — napisaŭ eks-prezident Rasii.
Miadźviedzieŭ ad pačatku vajny Rasii z Ukrainaj u rasijskim kiraŭnictvie admysłova pazicyjanuje siabie jak adzin z najbolšych «jastrabaŭ», rehularna vystupajučy z rezkimi i ahresiŭnymi zajavami na adras Zachadu.