«Vas pryvietstvujet Anna Dmitryjeŭna». Dzieviać dziŭnych biełaruskich tyktok-akaŭntaŭ ŠMAT VIDEA
Vakoł kitajskaj sacsietki isnuje mnostva stereatypaŭ. U pieršuju čarhu, što tam siadziać adny dzieci i zdymajuć roznuju bzduru. Ale siarod biełaruskich tyktokieraŭ jość jak maładoje pakaleńnie, tak i piensijaniery, čynoŭniki dy navat sielebryci-jabaćki. Sabrali dla vas admysłovuju padborku.
21.08.2022 / 10:05
Hanna Dźmitryjeŭna, jakaja lubić adpačyvać u sanatoryi «Lotcy» i nie tolki
Pazityŭnaja žančyna ščyrymi tyktokami robić sanatoryju efiektyŭnuju rekłamu. I naohuł aktyŭnamu ładu žyćcia.
Taksama ŭ tyktoku Hanny Dźmitryjeŭny možna paznajomicca z usimi jaje svajakami.
Hihancki miadźviedź, jaki nie tolki raduje, ale i pužaje ludziej
U hetym tyktoku siužety adnatypnyja: čałaviek vychodzić na vulicu, raptam pačynaje hrać hučnaja muzyka, a z-za kuta vyskokvaje hihanckaja rastavaja lalka miadźviedzia.
Vyhladaje efiektna, ale mnohija pužajucca. Tym nie mienš, u hetaha tyktoka bolš za 650 tysiač padpisčykaŭ.
Tancor Uład z Bresta
Małady chłopiec štodnia zdymaje roliki, u jakich tancuje i śpiavaje. Pryčym robić heta i doma, i na šlachu na pracu, i na voziery. Niekatoryja videa źbirajuć sotni tysiač prahladaŭ.
Da 15 vieraśnia chłopiec choča nabrać 100 tysiač padpisčykaŭ.
Asablivaja fiška — heta vitańni i raźvitańni štoranicu i štoviečar.
Rabotniki za 5 rubloŭ
U hetych rolikach u admysłovaj maniery demanstrujecca, čamu nie varta ekanomić na śpiecyjalistach.
Pan Usialan
Kiroŭca aŭtavoza ź Lidy zdymaje kałarytnyja videa na sakavitaj trasiancy. Fiška tyktoku — muzyčnyja klipy, a taksama razmovy Juryka i Tolika: siabroŭ, adzin ź jakich raskazvaje pra žyćcio dalnabojščyka ŭ Jeŭropie i pastajanna niešta žuje.
Siostry Hruździevy
Jak ža biez hetych piersanažaŭ, jakich łajalnaść da Łukašenki ŭ 2020 hodzie niečakana viarnuła na biełaruskuju estradu. Jany zdymajucca ź siłavikami, Saładucham i kapirujuć kantent ź instahrama.
Prosty biełaruski viaskovy chłopiec Dzimasik
U hetym tyktoku małady ahraryj Dźmitryj pakazvaje svaju pracu, tancuje, śpiavaje pieśni i sprabuje adšukać novyja znajomstvy — dyjapazon internet-tvorčaści vielmi šyroki.
Połacki trenier, jaki namalavaŭ na dzieciach litaru Z
U lipieni biełaruskija miedyja ablacieła navina pra treniera z Połacka Siarhieja Firsava, jaki pavioz svaich padnačalenych na mora ŭ Krasnadarski kraj i namalavaŭ im na žyvatach simvał rasijskaj vajennaj ahresii.
Akramia spartyŭnaj i piedahahičnaj dziejnaści, Firsaŭ z žonkaj sprabujuć siabie ŭ tyktoku. Atrymlivajucca śpiecyfičnyja roliki z humaram «nižej za pojas», ale i ŭ hetaha jość svaja aŭdytoryja.
Sproby homielskich čynoŭnikaŭ u tyktok
Dziaržsłužačyja imknucca stać choć krychu bližej da prostych ludziej i asvojvajuć sučasnyja sacsietki. Voś, naprykład, tyktok pra Homielski rehijon — pad surjoznuju muzyku raspaviadajecca pra padpisańnie dakumientaŭ pa supracoŭnictvie deputataŭ z Homiela i Karmy, ich sustrečy z elektaratam.
I jak ža biez rabotnikaŭ siała i žniva.