U Hrodnie pačynajecca sud nad žurnalistam Dzianisam Ivašynym
Siońnia a 14.30 Hrodzienski abłasny sud raspačynaje razhlad spravy žurnalista Dzianisa Ivašyna. Sprava budzie słuchacca ŭ zakrytym režymie.
15.08.2022 / 11:01
Sudovy praces budzie vieści suddzia Valeryj Ramanoŭski.
Žurnalista «Novaha času» zatrymali 12 sakavika 2021 hoda.
Adrazu Dzianis prachodziŭ padazravanym pa art. 365 KK (umiašańnie ŭ dziejnaść supracoŭnika orhanaŭ unutranych spraŭ). Jaho apošnim materyjałam dla «Novaha času» byŭ artykuł ab eks-supracoŭnikach ukrainskaha «Bierkuta», jakija źbiehli z krainy, uładkavalisia na słužbu ŭ biełaruskija siłavyja struktury i ŭdzielničali ŭ razhonach pratestaŭ.
Paźniej Dzianisu vystavili abvinavačvańnie pa č. 1 art. 356 KK (zdrada dziaržavie). Na padstavie hetaha artykułu žurnalistu pahražaje ad 7 da 15 hadoŭ źniavoleńnia.
Taksama KDB abvinavačvaŭ Ivašyna ŭ supracoŭnictvie z ukrainskaj raźviedkaj.