U Biarozaŭskim rajonie piacihadovy chłopčyk pierajechaŭ na mašynie siamihadovaha
Niaščasny vypadak adbyŭsia 10 žniŭnia ŭviečary ŭ vioscy Kruhłaje Biarozaŭskaha rajona. Piacihadovy chłopčyk pierajechaŭ siamihadovaje dzicia.
11.08.2022 / 01:12
Jak paviedamlaje Bereza.by, piacihadovy chłopčyk znachodziŭsia za rulom aŭtamabila. Pry hetym u mašynie byŭ ustaŭleny kluč zapalvańnia, a sam aŭtamabil stajaŭ nie na ručniku, a na pieradačy.
U hety čas pad mašynaj znachodziŭsia siamihadovy chłopčyk. Jon palez vyciahnuć kaciania. Piacihadovy ŭ hety čas paviarnuŭ kluč zapalvańnia i mašyna kranułasia.
U vyniku starejšy chłopčyk atrymaŭ pierałomy rebraŭ i klučycy. Jaho špitalizavali.
Darosłyja ŭ hety čas znachodzilisia na ŭčastku. Klučy ŭ zamku zapalvańnia pakinuŭ dziadula piacihadovaha dziciaci.