Камунальнікаў абавязалі зафарбоўваць «несанкцыянаваныя надпісы»
Супрацоўнікаў жыллёва-камунальнай гаспадаркі абавязалі зафарбоўваць «несанкцыянаваныя надпісы», як вынікае са зменаў у пастанову Міністэрства жыллёва-камунальнай гаспадаркі № 8 ад 10 чэрвеня 2022 года. Абноўлены дакумэнт з'явіўся на сайце pravo.by.
10.08.2022 / 20:25
Гэтага мурала ўжо няма. Фота: суполка Vulica Brasil у фэйсбуку
Цяпер камунальнікі павінны ліквідаваць «несанкцыянаваныя надпісы» ў пераходах і на мастах, што пазначана ў пункце 18 пастановы. Таксама сярод новых абавязкаў работнікаў ЖКГ — мыць вуліцы і масты, здымаць гнёзды птушак і восаў, адлоўліваць шалёных і безнаглядных жывёл, рамантаваць велапаркоўкі і іншыя.
Раней на практыцы ўжо былі заўважаныя выпадкі зафарбоўвання нават не надпісаў, а мастацкіх муралаў, якія ўпрыгожвалі гарадскія мясціны гадамі і нікому не заміналі. Пры гэтым яны ніяк не былі звязаныя з палітыкай.