Першы выпадак каранавіруса «амікрон-ніндзя» выяўлены ў Мінску
Штам «ніндзя» або «амікрон 4/5» гэта пятая лінія віруса, чарговая мутацыя з Паўднёвай Афрыкі, якая цяпер найбольш распаўсюджаная ў ЗША і Заходняй Еўропе.
09.08.2022 / 11:10
Падабенства з японскімі сярэднявечнымі шпіёнамі-дыверсантамі ў тым, што вірус лепш сыходзіць ад імуннага адказу і ўхіляецца ад антыцелаў, паведамляюць «Мінск-навіны».
«Амікрон-ніндзя» можа прабрацца ў арганізм так, што імунная сістэма яго проста не заўважыць, а зрэагуе толькі тады, калі віруса ў арганізме будзе ўжо занадта шмат.
Медыкі сталіцы рэкамендуюць прайсці вакцынацыю і рэвакцынацыю перад восеньскім сезонам вірусаў. Гэта асабліва актуальна для груп рызыкі.
Раней Мінздароўя прагназавала рост распаўсюджвання каранавіруса ў верасні.